CAMARAS WEB DE GALICIA

É posible que no momento en que estea vendo a cámara non se estea emitindo dende este, senón dende calquera outro dos existentes.

É posible que no momento en que estea vendo a cámara non se estea emitindo dende este, senón dende calquera outro dos existentes.

Cámara Web situada nunha balconada do Pazo de Raxoi, sede da Presidencia da Xunta de Galicia e do Concello. Á esquerda da imaxe vese o Hostal dos Reis Católicos, á fronte a fachada do Obradoiro da Catedral e á dereita o Colexio de San Xerome.

Cámara Web colocada na Casa do Deán na Rúa do Vilar, unha edificación do século XVIII que hoxe en día acolle a Oficina do Peregrino. A imaxe ofrécenos unha visión da fachada románica das praterías, unha das portas de entrada máis sobranceiras da catedral.

Cámara Web colocada na Casa da Parra, edificio de finais do século XVIII.

Cámara web situada no monte Pedroso na que a imaxe se anova cada trinta segundos. Ofrece unha panorámica de Santiago de Compostela na que destacan as torres da Catedral.

Cámara web situada en Montefaro, no concello de Ares, dende onde albiscamos as dúas beiras da ría de Ferrol. No centro da imaxe enxergamos os estaleiros Izar e o barrio de Caranza.

Esta cámara recolle a nave lateral da Catedral que é por onde se despraza o Botafumeiro, xigantesco incensario empregado nas solemnidades relixiosas. Ao fondo da imaxe aparece a porta norte que dá acceso á Praza da Acibecharía.

Cámara Web situada no lateral dereito da nave central da Catedral compostelá. A imaxe amosa a Capela Maior e, ao fondo, o Altar Maior coa figura de Santiago repuxada en prata por Montaos do século XVIII, e que é abrazada polos peregrinos. Debaixo do Altar Maior encóntranse as reliquias do Apóstolo no interior dunha urna de prata.

Cámara web móbil situada nun dos edificios máis altos da cidade. Na imaxe podemos observar os portos pesqueiro e deportivo, o paseo marítimo, as praias de Riazor e do Orzán, o Obelisco Millennium, a Torre de Hércules, os xardíns de Méndez Núñez e algunhas rúas do centro.